Breaking
ब्रेकिंगमहाराष्ट्र

पतसंस्था चळवळीतील महिलांनी नेतृत्व व कर्तृत्वातून ओळख निर्माण केली – सौ.किरण वळसे पाटील

कार्यकारी संपादक प्रा.पोपट साळवे

0 1 6 2 7 1

पतसंस्था चळवळीतील महिलांनी नेतृत्व व कर्तृत्वातून ओळख निर्माण केली – सौ.किरण वळसे पाटील

जुन्नर : स्री ची ओळख चूल व मूल इतकीच होती. कालांतराने मिळालेल्या संधीचा फायदा घेत शिक्षण व स्वातंत्र्यामुळे स्त्रीने एक विश्व निर्माण केले. प्रत्येक क्षेत्रात स्री उच्च पदावर उत्कृष्ट कामगिरी करताना दिसत आहेत.परंतु सहकार क्षेत्रातील पतसंस्था चळवळीत काम करणाऱ्या महिलांनी नेतृत्व व कर्तृत्वामुळे सक्षम महिला म्हणून स्वतःची एक वेगळी ओळख निर्माण करून त्यांच्या योगदानामुळे पतसंस्था चळवळ सक्षम होत असल्याचे गौरवोद्गार अनुसया महिला पतसंस्था संस्थापक अध्यक्षा सौ.किरण दिलीपराव वळसे पाटील यांनी काढले.

जागतिक महिला दिनानिमित्त सहकार क्षेत्रातील पतसंस्था चळवळीत नेतृत्व व कर्तृत्वाने विविध पदांवर ठसा उमटविणाऱ्या महिलांचा महाराष्ट्र राज्य सहकारी पतसंस्था फेडरेशन आयोजित ‘सक्षम महिला सक्षम पुरस्कार’ सोहळा अनुसया महिला पतसंस्था संस्थापक अध्यक्ष सौ.किरण दिलीपराव वळसे पाटील व अंजली उन्नती फाउंडेशन संस्थापक अध्यक्षा सौ.गौरी अतुल बेनके यांच्या प्रमुख उपस्थितीत आणि महाराष्ट्र राज्य सहकारी पतसंस्था फेडरेशन संचालिका व सहकार उद्यमी अध्यक्षा ॲड.अंजली पाटील यांच्या अध्यक्षतेखाली जुन्नर तालुक्यातील आळेफाटा येथे उत्साहात संपन्न झाला.

त्या पुढे म्हणाल्या की, महाराष्ट्र राज्य सहकारी पतसंस्था फेडरेशन संचालिका व सहकार उद्यमी अध्यक्षा डॉ.अंजली पाटील व सक्षम कार्यकारी अधिकारी सौ.सुरेखा लवांडे यांचे पतसंस्था चळवळीत अनमोल योगदान असून महिलांसाठी वेगवेगळे उपक्रम राबवून पतसंस्थांमधील महिलांना प्रगतीची संधी उपलब्ध करून देत असतात. तसेच पतसंस्था चळवळीतील या सक्षम महिलांना येणाऱ्या विविध प्रश्नांबाबत व महिला पतसंस्था द्वारा चालविण्यात येत असलेल्या बचत गटांना व्यवसाय करण्यास परवानगी मिळण्याबाबतची शिफारस सहकार मंत्री दिलीप वळसे पाटील यांच्याकडे करणार असल्याची ग्वाही दिली.

सक्षम महिला सक्षम सहकार अंतर्गत या पुरस्कार वितरण सोहळ्यात उत्कृष्ट अध्यक्षा ०९, संचालिका १३, सीईओ ०५, एसआरओ ०४ आदींसह शाखाधिकारी , कॅशियर , लिपिक , पासिंग ऑफिसर , दैनिक कलेक्शन प्रतिनिधी , शिपाई अशी विविध पदांसाठी मानांकने काढून ज्या महिलांना ही मानांकने देण्यात आली त्यांचा प्रमुख पाहुणे सौ.किरण वळसे व सौ. गौरी बेनके यांच्या शुभ हस्ते सन्मान करून गौरव करण्यात आला. तसेच राज्यस्तरीय महिला प्रशिक्षण व कार्यशाळेच्या माध्यमातून विविध परिसंवादातून सहकारी पतसंस्था चळवळीतील कामकाज व पतसंस्था मधील कामकाजांविषयी सविस्तर माहिती देऊन येणाऱ्या अडी – अडचणींवर मात करून स्वतःच्या संस्थेची आर्थिक व स्वतःची प्रगती साधण्याचा गुरु मंत्र देण्यात आला.

कार्यक्रमाचे प्रास्ताविक महाराष्ट्र राज्य सहकारी पतसंस्था फेडरेशन मुख्य कार्यकारी अधिकारी सौ.सुरेखा लवांडे यांनी केले. आळे फाटा येथील आदर्श महिला पतसंस्था अध्यक्षा सौ.कल्पना बांगर यांनी कार्यक्रमाच्या स्वागताध्यक्षा म्हणून भूमिका बजावली. या वेळी महाराष्ट्र राज्य सहकारी पतसंस्था फेडरेशन अध्यक्ष ओमप्रकाश दादाप्पा तथा काका कोयटे, संचालक भास्कर बांगर संचालिका सौ.नीलिमा बावणे, भारती मुथा, श्रीराम पतसंस्थेचे अध्यक्ष अमित बेनके आदींसह राज्यातील वेगवेगळ्या भागातील, वेगवेगळ्या पदांवर कार्यरत सहकारी पतसंस्थांच्या महिला प्रतिनिधी बहुसंख्येने उपस्थित होत्या.

1.7/5 - (3 votes)
बातमी शेअर करण्यासाठी येथे क्लिक करा
0 1 6 2 7 1

Related Articles

Leave a Reply

Your email address will not be published. Required fields are marked *

Back to top button
Translate »
बातमी कॉपी करणे हा कायद्याने गुन्हा आहे